Tun May thla laihawla Japan khawpui, Hiroshima khawpuia buatsaih tur khawvel ram hrang hrang hruaitu lawkte intawhkhawmna G7 Meeting turah hian Myanmar chungchang na taka an hrem theihna turin Myanmar UN Human right palai Mr. Tom Andrews chuan a ngen a.
Ni 10 awh tur G7 Meeting turah hian Mr. Tom Andrews chuan Japan sorkar thuneitute leh businessman te, NUG palaite leh Myanmar buainaa active member te nen thu an sawiho dawn nia hriat a ni a. Japan Defence Minister te pawhin Myanmar Military council-te Training pe tawh lo turin a ngen bawk a.
G7 tia hriat lar hi France, US, Great Britain, Germany, Japan, Italy leh Canada ram te an ni a, heng ram 7 hruaitu lawkte Meeting tur hi May 19 atangin 21 thleng a awh dawn a. He Meeting-ah hian Japan Prime Minister Kishida, thuhma a sawi angin Ukraine chungchang thlur bik a ni ang a, Myanmar chungchang pawh sawiho a nih dawn thu hriat a ni.
