Yangon region, Hmawbi township, Laih Poh khuaa No.4 kawngpui sira zu siam chhuahna Grand Royal hmunah kangmei a chhuak a, Jaunary 14 zing dar 7:00 velah mei a mit tan tawh thu kang thleh pawl ten an thuchhuahah an tarlang.
A kan ral zat hi Kyat eng zat man nge hriat chian a ni lova, BBC ten an ngaihven mek thu an sawi.
He zu siam chhuahna factory hmunpui hi January 13 chawhnu dar 3:30 vel atang khan kangmei a chhuak a, darkar 16 vel a kan thu hriat a ni.
Kangmei a chhuah hnu, chawhnu dar 5:00 vel khan thil puak nasa tak avangin kang thleh pawl zinga mi 16 an hliam a, Insein khawpui civil hospital-ah an phur lut a ni.
Kangmei a chhuah dan hi Level 3 a ni a, Yangon region chhunga kang thleh motor 60 leh mei sipai 500 rual ten an thleh mit thu Military council news chuan a tarlang. Factory kangmei chhuahnaah hian zu siamna tur tui galon 50000 leng dil 3 leh galon 2000 leng dil 6 bakah Gudam 3 a kang chhe bawk a ni.
