Chin State, Halkha khawpui, Bazar hlui Ward, Manbui kawnga State Auditor General Office-ah October 23 zan khan kangmei a chhuah thu Halkha tualchhung mi pakhat chuan a sawi.
October 22, 11:00 vel khan State Auditor General Office a kang a. zing dar 2:00 vel khan mei a rem ve chauh a, Ofiice thi pawimawh zawng zawng a kang ral vek thu hriat a ni.
“ He Office kang ta hi chhawng 2 niin a bul hnaiah hnathawktute chenna in an awm bawk. Hnathawktute in chu a hlim a, Office erawh in chung atangin a kang nasa a, silai vawi 3 a ri bawk” tiin tualchhung mi pakhat chuan sawi.
Kangmei a chhuahna chhan hi Um mei alhin an vawm lut niin an sawi a, thi leh hliam an awm loh thu hriat a ni.
Military Council ten sorkarna an lak hnu hian Chin Statem Halkha khawpuiah Collective Office tiamin Building 6 hal chhiat a ni tawh a. Chin State, Tedim khawpuiah pawh Immigration Office tiamin Building 4 an hal chhe tawh bawk.
