Chin State, Halkha township-a Hniarlawnthar khuaah Military council sipai 50 chuang operation ten April 15 tuk khan an luhchilh a, chenna in 40 chuang an hal chhiat thu tualchhung mi te hnen atanga hriat a ni.
Hniarlawnthar khua hi Halkha khawpui atangin Farlong 3 vel hlaa awm a ni a, In 40 chuang mihring 120 vel awmna khua niin an sawi a.
A khawpumah In 4 chauh hal kan loh a awm thu Halkha khawpuia tualchhung mi pakhat hming thup chuan RFA Media hnenah heti hian a sawi.
“A khawpum hal ang a ni a, In 40 chuangah In 4 chauh a bang a. An rawn luh hlim khan tualchhung mipuite an tlanchhuak a, thi leh hliam an awm lo”
ChhawnChung khuaah Military council sipaite an dan avangin an thian ten pui turin Halkha khawpui atanga an chhuak thu a sawi zui bawk a ni.
He an beihna chungchangah hian RFA Media ten nemnghehna chiah an la nei lova, Military council te pawn thuchhuah an nei rih lo a ni.
March 9 khan Sagaing region, Kalaymyo atangin Halkha khawpuia Armoured car 2 leh motor 30 chuang nena chho mek Military council sipai te, CDF ten kawng lakah an lo kap a. Military council sipai ten khawchhungah Thlawhna hmangin an bomb nual a, chenna in a chhiat nual thu tualchhung mi ten RFA Media an hrilh a ni.