Chin State, Halkha township, TiDa khaw bula inbeihnaah Military council sipai 6 an thih bakah silai 4, CDF-ten an laksak thu CNA news chuan Yangon Khit Thit Media a hrilh a.
July 8 khan Halkha township, Halkha leh Thantlang khaw inkar kawnga TiDa khaw bula Military council sipaite buk khuar chu CNA-ten an kahchilh a, Military council sipai thi leh hliam an awm hnuah camp an chhuahsan a. He inbeihna avangin Military council sipaite, an thianten Thlawhnain an rawn tanpui nghala bomb vawi 2 an thlak bakah Halkha tlang chung camp atangin ralthuam lianin an bomb zui nghal thu hriat a ni bawk.
He an inkahna hmunah hian July 9 khan CNA Battalione-ten khawchhung then fai hna an tawhnaah Military council sipai 6 ruang an hmuh bakah silai 4 leh ralthuam kaihhnawih hmanraw tam tak an laksak thu hriat a ni.
“Halkha damdawi inpuiah Military council sipai 40 chuang an an thlen belh” tiin CNA Battalion news chuan a tar lang bawk a ni”
May thla chawhnu vel atang khan Military council sipaiten Halkha leh Thantlang kawng thunun vek an tum avangin chung lam Thlawhnain leh khawmual lam atangin Military council sipaiten hma an laknaah inkahna a chhuak fo reng a ni.
