Chin State, Halkha township, Halkha leh Gangaw kawnga awm Vantlang khuaah Military council Jet Fighter pakhatin May 2, chawhnu dar 1:00 vel khan an bomb thu hriat a ni a.
Hetia bomb an thlak avangin Vantlang khuaa chenna in 3 a chhia a, thualchhung mipui hliam an awm loh thu hriat a ni bawk.
Vantlang khua hi May 1-a Military council sipai Division 77-te, CNA leh CDF tangrual pawlten an beihna hmun hnaia awm a ni a.
Mipui veng himtu pawl PDF sipai pakhat chuan “Military council sipaiten min kap tawh suh u tiin an au” tiin a sawi a.
May 1 inkahnaah Military council sipai 20 vel an thi tawh a, Military council sipaite hnen atangin silai 9, 60 MM pakhat, RPG pakhat, vawm bomb 11, Phone leh ralthuam hmarua chi hrang hrang CNA leh CDF tangrualten an laksak nual thu hriat a ni bawk.
