Chin State, Halkha khawpui, Pyidawta (Pi Daw ta) Venga Construction Building, chhawng 2-a sak chu August 31, zing dar 2:00 vel khan kangmei a chhuak a, Road Department ten hnathawktu tiamin mi 11 chin hriat loha an awm thu an sawi.
Construction Building hi Halkha khawpui, Vom Tu Maung khelmual chunga awm a ni a. August 31, zing lam dar 2:00 atangin 3:00 thleng a kang a. Kang thelh Motor-in a thelh hnuin zing lam dar 4:00 velah an thelh mit thei a ni tiin Halkha khawpuia tualchhung mi pakhat chuan a sawi.
“ Zing dar 2:30 velah a bengchheng tawh lutuka a mut theih tawh loh. Building chhawng 2, a kang a, zing dar 3:00 velah kang thelh Motor a rawn thleng a, a thelh mit thei hlauh a. Chu lo ni se, a bula in pawh an kang kai nual ang” tiin Pyidawta Venga thualchhung mi pakhat chuan a sawi.
He Construction Building-ah hian Timit Leidawh siam turte an riak hlawm a, Construction Engineer tiamin hnathawktu mi 11 te, kangmei a chhuah hnuah chin hriat loha an awm thu an sawi.
“ Chin hriat loh mi 11 te hi Timit leidawh siam tur pawlte niin an sawi a, Engineer pawh a tel” tiin Halkha khawpuia tualchhung mi pakhat chuan a sawi.
Heng mi 11 te hi eng vanga chin hriat lohva bo duak nge tih hriat ni lo mah se, man ngei an nih rin a ni bawk.
Military Council sipaite hian Halkha khawpui leh Thantlang khawpui inkara Timit Leidawh chhia siam tha turin an bei mek a. July 30 khan a chheh vel hnaiah CDF tangrualte nen an inkap tawh bawk.
Military Council sipaite hian Thantlang khawpui tun din leh chhuanlam siaminTimit Leidawh an dawh theih chuan Thantlang township-ah sipai leh ralthuam bakah thil pawimawh an thliar lut thei dawn a. A Khawchhung an thunun thei vek dawn a, CDFte hneh vek an tum” tiin CDF-a sipai pakhat chuan a sawi.
Chuvangin Halkha khawpui leh Thantlang khawpui inpawhna Timit Leidawh hi Military Council sipai ten, an siam that lohna turin CDF pawl ten an do chhan chu a ni.
