Chin State, Halkha township-ah May 1-a inbeihnaah Military council sipai 20 vel an thi a, silai 11 leh ralthuam hmanrua tam tak an laksak nual thu hriat a ni a.
Magwe (Ma Gui) region, Gangaw township leh Halkha township-ah May 1, tuk khan Khah Lah Yah (IB) operation Military council sipai Division 77-te Halkha township-a CNA leh CDF pawlten an beih rawn a, Military council sipai 20 an thi a, hliam an awm nual bawk a ni.
He buaina a chhuah hma April 30 pawh khan Halkha leh Falam kawnga awm ChungCung khuaa inbeihnaah Chin sipai pakhat CNA Lt. Sergeant Ko Na Aye ram tan a nunna a hlan a.
He inbeihnaah hian Military council sipai 3 an thi a; silai 2, RPG 1, RPD bomb 3 leh ralthuam hmanrua tam tak CDF ten an laksak nual bawk a ni.
