Chin State khawpui, Halkha leh Thantlang khawpui inkar, Motor kawngpuia Military Council-te opretion chettlatna hmun chu CDF ten an kap a.
Halkha khawpuia Timit leidawh chu Military Council te, kal kai theih lohna turin tualchhung CDF ten July thla nawi khan an Bomb chhe tawh a ni.
Halkha leh Thantlang kawngpui kaina Leidawh siam tha tura Halkha khawpuia innghat, Military Council, infantry Battalion No.266 ten July thla nawia, an ruahman laiin tualchhung PDF ten an kap a.
Leidawh siam tha tur hian Infantry Battalion 266 ten tum 10 chuang hmalak an tum a, chu mi karah ka lo beih avangin khawmual lam leh chung lam Thlawhna hmanga an beih thu CDF-Halkha thu puangtu chuan Ayeyawadi Media a hrilh.
Thu puangtu chuan “ Anni lam chu Leidawh kianga awm an nih avangin Leidawh siam that an duh a. Rawlrala beih chu a awm hran lo. Leidawh kiang velah kan Camp a awm a, min beih avangin inkahna a chhuak ta a ni” tiin a sawi.
Timit, lui kanna Leidawh chheh vela Military Council-te hi CNA, CDF, CDF-Zophei, CDF-Hakha, CDF-Thantlang, CDF-Lautu, CDF-Mara leh CJDC Battalion pawl tangkawp ten an kah rawn thu CDF hnen atanga hriat a ni.
CDF thu puangtu chuan “August 15 khan kan inkap nasa khawp mai. Nimin khan Halkha-ah Helicopter 2 a tum a, ralthuam leh Sipai an dah belh nge kan hre lo. Chi mi hnuah nilengin ralthuam lian an kap chhuak char char a. He mi hma pawhin an kap chhuak nasa khawp mai” tiin a sawi.
August 15-a inkahnaah hian Military Council lam 15 an thi a. Military Council ralthuam MA 15 silai te chi 1, 7.62 silaimu thenkhat leh MA-1 Rifle 1 an chhuhsak thu The Chin Journal chuan a tar lang a.
August 16 inkahna boruak atanga kan hriat danin Military Council opretion te hi Halkha khawpui lamah an kir leh thu CDF-Halkha thupuangtu chuan “Inkahna chu a nasa chho mai thei. Khawchhung an chhuahsanin kan bei a. Military Council, infantry Battalion 226 te hi Halkha khawpui laili-ah an inkhuar a, hmun dang erawh chu CDF-Halkha kut hnuaiah an awm” tiin a sawi a ni.
