Chin State, Halkha khawpuia tualchhung mi pakhat, ramhuaia chawhmeh zawng, Bomb kam a rah puah avangin a ke vei lam an tansak thu hriat a ni.
Halkha khawpui, Halkhathar Venga awm, kum 30 mi Pu Biak Cung chu October 1, khan ramhnuaia chawhmeh zawnga a kal laiin Bomb kam a rap puak a. Halkha Civil Hospital-ah an zai a, a ke vei lam an tansak thu a chhung hnaivaite hnen atanga hriat a ni.
“Chawlhkar liam ta, Inrinni khan, a ke vei lam kheimit chung lam atangin an tansak a. Tunah chuan a ziaawm tawh. Mahse, Damdawi inah an la awm rei mai thei” tiin damlo hnaivai pakhat chuan a sawi.
He Bomb kam hi Military Council sipai ten an kam niin tualchhung mi ten an ring a, hriat chian chiah a ni lo. Halkha khawpui hi Military Council sipaite leh CDF-te inkahna hmun niin Military Council sipai ten ralthuam lian an kah thin avangin Halkha khawpuia tualchhung mi 6 an thi tawh.
Military Council sipai ten sorkarna an lak hnu hian Chin State-ah Land-mine avangin tualchhung mi 10 aia tlem lo an hliam tawh thu Chin Human Right pawl ten an thuchhuah atanga hriat a ni.