Chin State, Halkha khuaah pa pakhat Kel chaw zawng tur bomb kam a rah puah avangin a boral a, a thian mi 5-te an hliam thu hriat a ni a.
Halkha khua, MyoThit Ward, Golf vuatna hmun kiang vela awm Pu San Kian chu May 24 zing 11 vel khan Technology collage leh officer-te chenna hmun inkar velah Kel chaw a zawn laiin rahpuah bomb a rah puah thu Halkha tualchhung mi te hnen atanga hriat a ni a.
Ina rawn haw ta lo Pu San Kian chu a chhungten bomb puak ri an hriat avangin Lova hnathawk mek hmeichhiaten May 25 zing dar 8 vela an zawn laiin bomb kam a puak nawn leh a, mi 5 an hliam thu an chhung hnaivai mi pakhat chuan a sawi a.
“Boral ta hmaa kal, a ke a hloh a, mi pakhat erawh chu a khup tluan leh a hmai a hliam a, a hliam nasa khawp mai. A zawngtu hmeichhia pawh a hliam bawk a, an vaiin mi 5 an hliam a, tunah Damdawi inah an enkawl mek” tiin mitthi chhungte hnaivai mi pakhat chuan a sawi bawk.
Chu’ng, hliam na zual mi 5 te chu Halkha khua Damdawi inah enkawl mek a nih thu hriat a ni a.
Rahpuah bomb rah puah avanga boral ta Pu San Kian-a ruang hi May 25 tlai lam dar 5 velah chauh a ruang an lak theih thu an chhung hnaivai mi pakhat chuan heti hian a sawi.
“Pu San Kian hi a boral tih kan hria a, Military council sipaiten a ruang lak an phal lova. Military council sipaiten an chhungte an rawn la mai ang an ti a; mahse, tlai lamah chauh an la thei” tiin mitthi chhung hnaivai mi pakhat chuan a sawi a.
Pu San Kian-a ruang hi Kristian tih dan angin May 26, zing dar 9 khan thlanmualah an vui liam thu hriat a ni bawk.
