Chin State, Halkha township-a inbeihnaah Military council motor phaw nei (Amoured car) 2, CDF-ten an tihchhiat theih avangin NUG sorkar chuan Kyats 4000, chawimawi nan an hlan thu hriat a ni a.
April 13 khan CDF tangrual pawlten Halkha township, Chhawnchung khaw bulah Military council Amoured car 2 leh motor dang an tihchhiat avangin NUG sorkar chuan July 4-a, vawi 22-na inkhawmpui chuan Kyats nuai 4000 chawimawina an hlan thu hriat a ni a.
Hetia CDF tangrualten Military council Amoured car an tihchhiat thu kan hriat hlim chuan mak kan ti a, revolution beitute pawh an phur leh sauh hlawm a. A tir atanga vawiin thlenga hnungtawlh lova, ram tana nunna thaptu CDF zawng zawng te chungah zahna chibai ka buk ta meuh che u a ni tiin Union Minister Mahn Win Khaing Than chuan inkhawpuiah a sawi a ni.
