Chin State, Halkha khua Chawlhbuk Ward-ah January 25-a inkahnaah Military council sipai 2, an thih bakah silai pakhat an laksak thu CDF-Hakha chuan an thuchhuahah an tarlang.
Chawlhbuk Ward-a Military council sipai camp-a awm te chaw pe tura kal Military council sipai 2 te CDF-Hakha ten an beih thu an thuchhuahah an tarlang.
Chawlhbuk Ward-a Military council sipai te camp hi Halkha khua atanga Matupi khua panna motror kawnga check gate pakhat a ni a.
Military council ten thuneihna an lak hnu hian Military council sipai ten he check gate-ah an duty reng thin a. Mipui te an duh angin sum leh pai an dil a, bungrua te an laksak bakah phalna lehkha nei lo te zin chhuah an phal lova, an vau reng thu tualchhung mi te hnen atanga hriat a ni.
Halkha khuaah Military council sipai 2 kah hlum a nih avangin Military council sipai ten chenna in 3 khawl hmangin an nawr chhia a, chhungkaw 3 leh khualzin an man nual thu hriat a ni.
