Halkha leh Thantlang khaw inkar Awtu tlang chu July 20 tuk khan Military council sipai rualten theihtawpa an beihnaah an laksak thu hriat a ni a.
Awtu tlang hi Thantlang khua atanga mel 5 vel hlaa awm a ni a, Thantlang tan ralrelna hmun pawimawh leh remchang tak a ni a.
July 20, zing dar 4 vel khan Military council sipaiten Awtu tlang an beihnaah CDF ralthuam silai 10, RPG pakhat leh hmanraw tam tak Military council sipaiten an laksak thu Military council news-ah tar lan a ni bawk.
Awtu tlang hi CDF tangrual sipaiten an tlansan tawh thu Thantlang CDF hmatawng sipai pakhat chuan Chin Journal Media a hrilh a, CDF tangrual pawlte thi leh hliam an awm loh thu an sawi tel bawk a ni.
