Yangon, nimin December ni 5-a sipaiin mipui kawngzawh motor-a mi thenkhat a sut hlum laiin Ma Mya Cho Cho Thin leh a thiante chu chu mi thil thlenna bul lawkah an lo awm a.
Motor chak takin thalaiho a sut laiin Ma Mya Cho Cho Thinး-i thianpa Maung Akakyaw pawh motor-in a su leng lawp a. Chutiang bawkin mi dang a su zui bawk a. Motor-in a sut fuh lohte chu sipai leh police lamin silaiin an kap zui bawk a, thalai tam tak chu dam chhuah tumin an tlan chhia a ni.
Chutih laiin mi tam tak tlan chhiate zinga tel ve lo, mahni thian leh hliam dangte enkawla chambang pakhat chu a awm a. Chu chu Insein Red Cross pawla arsi pakhat bel Ma Mya Cho Cho Thin-i chu a ni a.
A thawhpui a thiannu chuan, “Kan thiannu rilru chu kan hria. Damlo tanpui ngai a hmuhin a kalsan ngai lo. Amah chauh pawh a ni lo, Red Cross pawla miten tanpui ngaite chu an kalsan ngai lo a ni. Thlalak leh video-ah hliam nate a pui lai ka lo hmu a. A tlan chhuah theihna aiin, hliamte tanpuiin man a tawk tih kan sawi thei a ni,” tiin a sawi.
Insein Ywama-a awm Ma Mya Cho Cho Thinး chu Insein Red Cross pawla member hlun tak, kum 20 mi chauh ni mah se, a naupan tet lai atangin Red Cross-ah a lut a, tunah chuan arsi pakhat a bel tawh a ni.
“Kan pawl zingah chuan ani hi mahni lu zo deuh ber a ni a. Kan pahnihin Covid vang lai khan theih tawpin hna kan thawk ve a. Mahse kei chu hna dang thawh kan neih avangin, ani angin rilru leh tha nei ang zawng zawng ka pe thei lova, Red Cross-ah hnam, nihna enhran tur a ni lo tih policy lan chiantirtu chu he ka thiannu hi a ni,” tiin a sawi belh bawk a.
Insein GTI student union pawhin G.T.I Insein 2G-Ep zirlai Ma Mya Cho Cho Thinး chu Kyimyindain township, Pan-pin-gyi kawngah man a tawk tih thu official-in thuchhuah an siam tawh a.
Insein Red Cross pawla zirlai pakhat chuan, “Zan lamah mipui lam, harsatna tawkin an rawn biakin, a tana hlauhawm tur ngaihtuah lova rawn kal mai thin a ni a. Covid hun lai pawhin a mawhphurna chu tlin takin a thawk a ni,” tiin a social page-ah a post a. Chutiang bawkin, mi dang pakhat pawhin, “Kan nau hian zirtirtute zirtirna chu a zawm tlap zel a, a huaisenin, a thluak a tha a, a ngaihven a, hun pawh a vawng dik hle thin a. Zirtirute pawhin ngaihngam takin mawhphurhna an pe thin a ni,” tiin a sawi ve bawk a.
Mahni sahimna zawn aia hliamte enkawl thlan zawk vanga man tawk Ma Mya Cho Cho Thin chanchinin GTC zirna khawvel leh Red Cross pawla entawn tur tha nia chanchin ngaihnawm tak hriat a nih laiin, sipai motor-a ralthuam keng lo mipui sut hlumtu sipai pawl tawrawtzia chanchinin mipui thinlung kheiin thil inpersan tak ni chung si a, chhinchhiah zui reng a ni tawh dawn a ni.
