National Unity Government (NUG), Defense Ministry department hnuaia awm PDF battalion chu 257 a awm tawh a, chungho nena inthlunzawm revolution pawl pawh 500 vel awm a awm tawh avangin, NUG acting presient Du Wa La Shi La chuan military council nuai chimit tura inbuatsaih turin a fuih a ni.
Acting president chuan, ‘Ni kum lamah chuan Formation kan buaipui hle a, kum 2022-ah chuan kan operation leh thil danga inbun nghet tura kan buaipui laiin, PDF pawh battalion 257 vel an awm tawh tih hriat a ni a. Chu bakah MOD nena inthlunzawm Local PDF pawh 500 chuang an awm tawh a. Chu aia tha zawk Chain of Command nei chho a, hmelhma nuai chimit a, hneh vek thei tura kan inpuahchah a ngai a ni,’ tiin a sawi a.
Chu bakah Min Aung Hlaia dawt sawi hliahkhum tumna Election chu politics leh indona kawng 2 hmanga chhang let thei tura inpuahchah hun pawimawh tak a ni a. Chu chu a kaihhnawih department dangte pawhin mawhphurhn an nei vek a. Department-a thawk zawng zawngin, MOD kan nih loh avangin kan tel ve lo ti lovin, sorkar pumpuiin Min Aung Hlai leh sipai pawlte nuai chimit tur chuan department zawng zawng inlungrual a ngai a, mipuite chu an fuihin an hrilh fiah ang a, an fuih bawk tur a ni, tiin President chuan a sawi bawk a ni.
