Sagaing Region, Htichaint township-ah NUG huaihawtnain zirna School hmun 40 vel hawn a ni.
Htichanit townshuip-ah hian Htichiant khawchhungah Military Council ten thutchilhin zirna School an hawng ve a. Khaw pawnah erawh chuan NUG te hmalaknain zirna School hmun 40 vel an hawng thung.
Htichaint township-a Education lama thu neitu pakhat chuan “Htichaint township-ah hian Military Council ten zirna School hmun 5 an hawng a, khawchhungah an awmchilh bawk. Ayeyawadi (Ai Raw Di) tuipui ni chhuahna lam Myataung (မြတောင်), Maungkone (မောင်းကုန်း Mawng Kong) khuaah te Military Council ten Camp an siam a. Myataung velah hian School 7 sn hawng a, NUG ten hmun dangah an hawng thung. Tunah rih chuan hmun 40 an hawng rih mek a, hma an la mek bawk” tiin a sawi.
Htichaint township-ah hian March thla atanga khan zirna tan a ni a, Primary atangin High School thleng hawn a nih thu hriat a ni.
Sawi zawm lehin “Harsatna kan tawk ve nasa mai. Zirtirtute hi CDM leh Voluteer te an ni deuh mai a, kan indaih loh khawp mai. A theih angin kan ti ve nawk nawk a, PDF te nen kan tangho va, inkahna boruak a awm chuan kan insaseng hlawm a. School Building-a lehkha zir an awm angin khawchhunga zir an awm bawk a. Kan tum bera chu naupang lehkha zirtir theih hi a ni ber mai” tiin a sawi.
School hmun 40-ah hian zirlai mi 4000 an awm a. Htichaint township-ah hian Military Council hawn School-ah zirlai an tlem hle tih hriat a ni.
Htichaint township-a High School-ah hian zirlai mi 4000 chuang zir thin kha tun dinhmunah chuan mi 100 vel lekin an zir thin angin hmun dangah pawh mi 1000 chuang zir thinnaah mi 50 lek an zir thin bawk.
Military Council te hian NUG hmalakna zirna School hi kawng chi hrang hrangin a zar buai thin a, zirtirtute leh Voluteer te pawh man khawmin an sawisa thin bawk.
