Htilin (Thi Lin) khua Military council sipai ten kawng hrang hranga an beih avangin sipai 40 chuang an thi tawh

0

Magwe region, Pakokku khua Yaw mi te awmna leh Chin State lama pan mek te Military council operation-te Thilin township-ah bomb kam hmanga an beihnaah Military council sipai 40 chuang an thih thu YRA-Htilin hnen atanga hriat a ni.

March 15, zing dar 9:15 khan Thilin khaw pan Military council sipai 50 rual, motor 38 chuang te Thilin khua Pong Na Kyi inkarah land-mine hmanga an bomb-naah Military council sipai 2 an thi a, hliam an awm nual bawk a ni.

Heng thi leh hliam te hi Light Truck 2-in an phur a, Gangaw district Battalion 15,16,17(Thilin) leh Gangaw district Battalion 18 (YNRF Thilin) tangrual ten an beih rawn thu hriat a ni.

Hetiang vek hian March 15, chawhnu dar 1:00 vel khan Thilin township, Swe khone Taing khaw ni tlakna lamah Military council sipai 40 rual te Ma Gyi Pin camp-a an chawlh laiin bomb kam hmanga beih an ni a, Military council sipai 26 an thi nghal a, heng an ruang te hi Swe Khine Taing khuaa chenna in nen an hal chilh thu hriat a ni.

 Heng Military council sipai ten an thian te ruang an hal laiin Gangaw Battalion 16,17 (Thilin) ten an kap zui a, Military council sipai 3 an thi a, mi 4 vel an hliam a. Military council sipaite kal sawn thei lovin Swe Khone Taing khuaah an riah thu hriat a ni.

Military council sipai te an riahna khua hmar lam, Zi Taw kawng penga PDF te bomb kam, Military council sipai 2 ten an sut tumna lamah an puah avangin an thih nghal thu hriat a ni.

Hetiang vek hian March 16 chawhnu 4:40 khan Military council sipai 10 vel te Ye Si khaw peng kawng an thlenin PDF ten an beihnaah Military council sipai 7 an thi a, mi 3 la thi rih lo an tlansan a, ralthuam indaih lohna avangin an kirsan thu YRA(Thilin) Battalion ten an thuchhuahah an tarlang a ni.

Military council sipai ten Thilin khua an thlen ni 3 chhung, mel 18 an kalnaah sipai 40 chuang an thi a, mi 30 chuang an hliam a. Thi leh hliam tuar Military council sipai ten mipui chungah kut an thlak mai theih avangin Thilin-Gangaw motor kawngpuiah veivak fimkhur turin Gangaw district Battalion 15,16,17 YRA Thilin ten mipuite a hriattir a ni.

Share.

Leave A Reply

Exit mobile version