Myanmar rama leng lut India ram mi pahnihte ramria thah an nih avangin, mipui lut chhuakte leh ramri sumdawnna kawngah harsatna a thlen thu Tamu tualchhung miten an sawi.
India mi, Tamil hnam pahnihte chu July ni 5 chhunah Tamu twonship-ah Pyusawhtee pawlin an kah hlum hnuah India ram Manipur state chhunga, district Deputy Commissioner-in emergency a puang ngahl a.
Thil pawimawi leh rikrum thilah lo chuan India mite chu Myanmra ram lama kal lo tur leh kal a ngai a nih pawhin thuneitute hnen atanga phalna lak hmasak hnu chauh kal tur a nih rualin, Myanmar mite pawh phalna nei lo chu luh chhuah phal a nih loh thu thuchhuah siam a ni.
India ram lama dawrkai, Tamu tualchhung mi pakhat chuan, “Tamu ramri lam chu ramri dang angin hmasawnna a awm vak lo a. Myanmar lam atangin India lamah kawrkaiin, kan bazar a. Carrier ho pawh a khawih tel vek a ni, nimin lamah phei chuan Myanmar mite chu an rawn vawk chhuak a. Dawr neite pawh an dawr khartir a ni a, min hawntir tawh lo,” tiin a sawi.
India ram mi pahnih thah an nih tukah Moreh, India lamah mipui kawngzawhin Myanmar ram lama police check post pakhat chu an hal chhiat thu hriat a ni a. Tamu lam tualchhung mite chuan India ram lama CDM zawma tlan lut, leh raltlante dinhmun tur an hlauhthawnpui hle bawk a ni.
Tamu khua hi Indo-Myanmar border bula awm, tun hma atanga sipai leh India lam helte thawhho thina hmun pakhat a ni a, a khat tawkin buaina leh inthahna a thleng thin a, chung chuan tualchhung mite ei zawnna kawng a khawih pawi nghal zel thin bawk a ni.
