India ralthuam company chuan international dan an bawhchhia a, Mililary council te hnenah 122 MM laipui a hralh chhuah thu Justice for Myanmar chuan March 1 khan an thuchhuahah an tarlang a ni.
India ralthuam company Yantra India Limited chuan kum 2022 October thla khan Myanmar Military council sipai tan Dollar 330000 man hu 122 MM laipui 20, a thawn chhuah thu Justice for Myanmar chuan an tarlang a ni.
Heng laipui te hi Myanmar Military council, ralthuam broker U Kyaw Kyaw Moe thunun Innovative Industrial Technologies Co.ltd atangin an thawn thu hriat a ni.
India-ina laipui a thawn chhuah chungchangah Myanmar mipui te beihna tura tanpuitu a nih angin Myanmar Military council ten international dan a bawhchhiat thu Justice for Myanmar thupuangtu Ma Yadarna Maung chuan a sawi.
Heng avang hian India-in Myanmar Military council ten an thlawpna chungchangah titawp turin leh international dan anga mipui te zah ngai turin JFM ten an ngen a. India hian Myanmar mipui te harsatna hi tualchhung buainaah ngaia, inrawlh lo tura a ngaih thu politician U Tan Soe Naing chuan a ngaih dan a sawi a ni.
“India ram ropui hian a kal dan pangngai angin ama hamthatna turah a ding reng a. Myanmar ram buai mah se, Military council te nen sumdawnna leh ralthuam thlengin an la indawr reng a. China leh Russia te nen an inang reng a ni” tiin U Tan Soe Naing chuan a sawi zui bawk a ni.
India hi Democracy ram a nih angin a thenawm Myanmar sipai sorkar te nen inpawh lo turin Justice for Myanmar chuan India sokarah a ngen thu an thuchhuahah an tarlang a ni.
