Zara brand nei thawmhnaw thui thin company neitu Sapain base Inditex, international company lian chuan Myanmar ram chhunga thawmhnaw a thui thin chu an leisak dawn tawh loh thu an puang a.
Ram dang company te nena indawr thin Myanmar-a an siam chhuah te chu titawp tura World Labor Union IndustriAll-ten an ngenna angin Myanmar-a an company-a thawkte chu an chhawk then dawn thu Inditex company-a thupuangtu Director chuan July 27 khan Rauter news-ah lehkha a thawn thu hriat a ni a.
He a lehkhathawnah hian eng chen nge an tihtawp dawn thu leh Myanmar-a inditex company-a thawmhnaw thuina hmun pawh eng zah nge an hriat chian loh thu a chuang a. Military council-ten thuneihna an lak hnu hian kut hnathawktuten zalenna an hloh nasa zual thu World Trade Union chuan a sawi bawk a ni.
