Myanmar lama cheng, Naga mite leh India lama awm Naga mite an lungrualzia lantirna angin India, Manipure State, Ukhrul khawpuiah April 24 Sunday khan Hnam thil show-na kutpui hman a nih thu hriat a ni.
Naga mite insuihkhawm pawl Zingtun Tangkhul katamnao Long din champha kum 70-na kutpui chu Tangkhul Naga mite awm bitna Talui khuaah hman a ni a. Naga hnam thil chi hrang hrang show a ni a, thlah khat, thisen zawmpui unau an nihzia an entirna a ni.
Talui khua hi Somdal atangin mel 10 vel hlaa awm a ni a, Naga Socialist Council (NSCN-IM) hruaitu Thuingaleng Muivah pianna khua a ni.
Naga mite hi an thahnem tawh hle a, India huam chhung Assam, Nagaland, Manipure, Arinachal Pradesh State leh Myanmar ramri velah an cheng deuh ber.
Myanmar, Sagaing Region ni chhuah lam, zirlai insuih khawm pawl (ENSA) te chuan
Ukhrul khawpuia hnam kutpui hmang tur hian vaivut karah mel tam tak an pal tlang thu hriat a ni.
ENSA zirlai insuih khawm pawl President Nokpai Chonglymn chuan “Myanmar-ah hian Naga mite hi thlauhthlakin kan awm a, thim zingah kan awm mek a ni. Nakinah chuan kan la insuih khawm ngei ang” tiin a sawi. Myanmar ram chhungah hian Naga chi peng 9 an awm thu hriat a ni.
