Myanmar atanga India lama dan lova bungraw tawlh luh a tam tak avangin May 1 atangin India leh Myanmar ramri Gate-ah darkar 24 chhung an check tan tawh dawn thu Mara insuihkhawm pawl ten April 27 khan thuchhuah an siam.
Thuchhuaha an tar lan dan chuan kum 2021, February 1, atanga Military Council ten sorkarna an pawng lak avangin mipui ten kawng an zawh a, sorkar hnathawk te CDM an lut a. Mipuite chenna in leh lo tlansanin India (Mara) lamah an raltlan a. Keiniin thlei bik awm lovin kan lo chhawmdawl zel a.
Ramri Check Gate pelhah hian Zu leh ruihtheihthil bakah thil dang an lak luh thin avangin tualchhung mi te an rilru a nuam lo hle a. Thil pawi thei a thleng thei a. Ralthuam lak luh avangin tum 3 lai man an ni tawh a, India danin a khap angin keini pawhin kan rem ti lo.
Chuvang chuan kumin 2022 May 1, atangin MTP General Headquarters (Siaha) leh MSO General Headquaters (Siaha) tangkawpte chuan Sub-Headquaters leh Branch awmna ramri Check Gate Siasi, Chapi, Zyhno, Laki, Khaikhym Lobo-ah darkar 24 chhung check tan a nih tawh dawn thu mipuite an hriattir.
Heng check Gate-a dan lova eng emaw thliar lut an awm chuan dan dinglai anga Action lak a nih dawn thu hriat a ni.
