Indo-Myanmar ramri, Moreh khuaa Meitei mite chenna in 30 chu mipui 2000 rualten July 26 tuk khan an hal bakah chenna in dang 4, an thiahsak thu India base news chuan a tar lang a.
A hmei a pain July 26, zing dar 10 vel khan an hal tan a, security-ten dang mah se, mipui an tam avangin a dang thei lova, an en liam mai mai thu hriat a ni a.
Hetia an hal chhan nia an hriat dan chuan Manipur State-a May 3 atanga Meitei miten Zofate an sawisak avanga chenna in an hal vang leh mi an thah vang a ni a. Moreh khuaah hian Kuki, Meitei, Tamil, Gorkha, Bangali, Punjab mi te an awm thu hriat a ni a.
Moreh khuaah hian Myanmar mi te, ei zawng leh sumdawng mi te an awm nual a, hetia buaina a chhuah tak avangin harsatna an tawh nasat thu hriat a ni bawk.
Tu tih hriat loh ralthuam kengten an tawngpawng kah avangin leilet mi 2 an kah hliam a, chumi avanga hetia chenna in hal ta niin an sawi a. Manipur State-ah hian Meitei-ten Schedule Caste tia State sorkarin an pawm avangin Meitei leh Zofate inkarah buaina a chhuak a, Zofate chenna in tam tak an hal a, thi leh hliam an awm nual bawk a, a hlimchhawnah chuan zan curfew an puan bakah internet an kharsak bawk a ni.
