Indo- Myanmar ramri Rihkhawdar (Tiau) khuaah July 18, chawhnu khan mipa pakhat an sawisak hlum thu tualchhung mite hnen atanga hriat a ni a.
Chin State, Falam township, Rihkhawdar khua No.2 (Tiau) khuaa awm kum 55 mi Pau Khaw Zaam chu hmeichhe pakhat Boihi chuan a lu-ah a vuak nasat avanga hliam tuarin Mizoram lamah enkawl nghal a ni a, an enkawl hnu rei lo teah a boral nghal thu tualchhung mi pakhat chuan a sawi a.
“Boihi chuan Motor Tyer-a thir-in an vaw chiam a, a vuak hnuah Zokhawthar Mercy Clinic-ah panpui nghal a ni a, hiam tuar lovin a boral zui nghal a ni” tiin tualchhung mi pakhat chuan a sawi a ni.
Pu Pau Khaw Zaam leh Pi Boihi te hi sum chungchanga an intihthiam loh hnuah heti hian boruak a awm thu hriat a ni a.
Tunah hian Boihi hi tualchhung thuneituten thubuai siamsakin an man a, thil awmzia an chhui mek thu hriat a ni bawk.
