A tum 42-na ASEAN Meeting chu Chairman hna inchelh chhawk tuma chelh mek Indonesia, Flores thliarkar, Labuan Bajo khawpuiah ni 3 chhung neih a ni a.
He Meeting-ah hian Myanmar buaina chungchang sawiho tura ruahman ni a. Meeting an zawh hian an rorel thuchhuak ASEAN Chairman-in a tihchhuahnaah Myanmar chungchang eng thu mah a tel loh avangin dem a hlawh a hle a ni.
ASEAN member Indonesia hi ram hmasawn ve tak a ni a, ASEAN a din tirh atanga hmalatute zinga mi niin an chhehvel ram buai a awm pawha ching feltute zingah a tel ve fo thin a. Hetia ASEAN-ina Chairman nihna inchhawk zel tur a tih tuma Indonesia-in Chairman hna a chelh tum hian Myanmar ram buai boruak a that deuh beiseina a sang hle a.
Meeting-a an thurel te bawh zuiin tun kar chhung hian neih leh beisei a ni a. Hemi tum hian NUG chairman thupuangtu U Kyaw Zaw leh human right lama ASEAN Parliament member APHR chairman, Malaysia senior parliament member Charles Santiago te an tel dawn thu hriat a ni.
