Nimin, ni 16 zing lamah military council tana ralthuam phur ni ngeia ngaih Iran thlawhtheihna pakhat chu Naypyidaw-a a tum thu Hong Kong base Aisa Times chanchinbuin a tarlang.
Chu Iran thlawhna chhunga tel sipai lam hman chi thingrem 21 chu a rawn phur lut niin, Asia Times chuan chiang takin a ziak a.
Mahse, chung thingrem chhunga awmte chu enge a nih chiah hriat a la nil ova, chu Iran thlawhna chu naktuk lam Myanmar chhuahsanin US dollar tam tak huma an chhuah tur thu ziah tel a ni bawk.
Chu mi chungchangah source pakhat chuan, “Syria indonaa hman chemical weapon-te leh Drone te chi te chu Iran thlawhnain a rawn phur lut ang, chu thlawhna chu kazakhstan ramah rei lote a chawl a, Myanmar ramah pawi note chhutna tur leh thil dang mamawh a rawn phur lut dawn a ni,” tia sawi a awm thu Asia Times-in a tarlang bawk a.
He thu hi finfiah theih chiah ni lo mah se, February ni 13 khan Iran palaite chu Naypyidaw lamah an lo thleng tawh a. Chu mi hnu lawkah Iran thlawhna pakhat chu a vawi khat nan Naypyidaw-ah a tum zui a. Chu mi hnuah tun hi a vawi hnih nan a tum leh ta niin Asia Times chuan a tarlang a ni.
