Kayin State, KNU Bridage 5 huam chhungah July thla chhunga inkahna tum 189 a thlen tawhnaah Military council sipai 109 an thi tawh a, Military council sipai In 3, motor 1, sakawr tuai 41 an tihral tawh thu MuTraw Daily news chuan a tar lang a.
July 1-31 thleng khan KNU leh Military council sipai, Pocket Army, ramri sipai (BGF) te nen tum 189 zet an inkah tawhnaah Military council sipai 109 an thi a, sipai 82 an hliam thu hriat a ni.
He inbeih tawnna avangin Military council sipai office 3, ration phur VIGO motor 1, sipaiin an chhawr thin sakawr tuai 41 a thi tawh a, 30 chuang a hliam thu hriat a ni bawk.
Hetia an inkah tawnnaah hian KNU sipai pakhat ram tan a nunna a hlan a, mi 5 an hliam thu hriat a ni.
July thla chhung khan Military council sipaiten khaw hrang hrang, leilet hmun leh a chhehvelah ralthuam lianin vawi 11 an bomb bakah chung lam Thlawhnain vawi 12 an bomb avangin tualchhung mi 2 an hliam thu hriat a ni bawk.
