Ram leh mipui tan rawngbawl a, nunna chan leh hliamte chhungkhua chu Kalay PDF battalion 7-in tanpuina an pek thu hriat a ni.
Mipuite sum thawh khawm atanga la chhuakin June thla tawp lam atangin battalion chhunga sum leh pai dinhmun a zirin chhungkaw khatah Kyat 20000 leh buhfai bag 1 zel tanpui theih a nih thu leh, military council sipaiten a khaw pum anga a halchhiatsak mipui venghimtu pawl (PDF) te in pawh chan vek a nih ve avangin chutiang tanpuina chu pek a nih thu PDF battalion 7 chuan an sawi a.
Chenna in halchhiatsak tawk PDF member thenkhatte chu an chhung dinhmun chhiat lutuk avangin, PDF atang chawl tura hiala nawrna te awmin, an chhungte thla tina tanpuina an pek ve theih nan mipui lam thawhlawm mamawh a nih thu leh Kalay PDF pawl chuan sipai thuneihna chu a zung chawpa phawi chhuah a nih thleng, beih zel an tum thu PDF mipui sipai pakhat chuan a sawi bawk a ni.
