Sagaing region, Kalaymyo Ward, Block (Ne Mi) 10, YCW Private Hight school atanga tlak lamah Military council sipaiten an kah chhuah bomb puakah kum 7 mi naupang pakhat telin tualchhung mi 5 an hliam thu tualchhung mite hnen atanga hriat a ni a.
June 5, zan dar 10 vel khan inkah buaina awm lovin dap in chungah bomb a tla thut a, in chung khuh a tih chhiat nual bakah chhungkaw khata mite an hliam nual thu hriat a ni a.
“Zing dar 9-ah Letpanchaung khuaah bomb a tla a, chumi hnuah Tahan Block 10-ah bomb a tla leh a. Tahanah PDF an awm lova, inkah buaina a awm bawk si lo, eng vanga bomb nge an nih kan hre thei lo, thawm a ring khawp mai” tiin Tahan khawchhunga mi pakhat chuan a sawi a.
He bomb tlak avangin chhungkaw khata mi 4 te an khup, an pum leh an kutah te hliam an tuar a, hliam tuar zinga naupang kum 7 mi chu damdawi inah an enkawl thu hriat a ni bawk.
Bomb a puah hun lai hian Military council sipaite leh PDF te inkah buaina eng mah a awm lova, Military council sipaite hian tihluih avangin an bomb a ni tiin tualchhung mipuiten an sawi a ni.
