Sagaing Region, Kalaymyo Township Jail-ah nimin tlai dar 4:00 vel khan Jail-ah thubuai a awm thu hriat a ni a. He buaina chhanah hian Military Council ten luchilhin politic avanga tang, mi 7 ai tlem lo an kah hlum thu hriat a ni.
An buai hun hi March ni 15, tlai lam dar 5:40 atanga 5:30 chhunga thil thleng a ni a. Jail hotu chuan ‘ Kalay Jail-ah hian Lockup atanga rawn lut ten min tibuai fo thin a. Heng rawn lut te hi PDF man khawm te tiin a sawi a. Military Council ten um zuiin an rawn kah chilh a, PDF man mi 7 an kap hlum a.Jail hotu leh a puitu bakah Warden an luhchilh a, Jail warden pawh a nghawng hrui zai pawpin Damdawi inah a dinhmun a tha vak lova, Military Council ten Kalaymyo Jail an hual vek thu’ a sawi.
Chanchin chiang zawka hriat dan chuan heng an mi kah hlum takte hi politic vanga man te niin Jail hotu leh Jail tangte kara thubuai a awm avangin Military Council ten luhchilhin tang pangngai leh politic vanga tang te kah hlum an nih thu a sawi zui bawk.
Tun dinhmunah chuan Kalaymyo Jail hi Military Council ten ralthuam nen an hual vek a, Tang thenkhat te pawh an sawisa hrep a, boruak a la sosang hle a, thi pawh hei ai hian an la tam mai theih rin a ni.
