Kalaymyo-a Sipai Chhungkuate chu military council-in Y-8 Flight-in a hruai chhuak

0

[9:07 pm, 11/10/2021] J. Sangtea: Sagaing region, Kalaymyo-a sipai chhungkhuate chu military council thlawhna Shaanzi-Y8 flight te chi hamngin October ni 11 chawhma lam dar 11 vel khan Kalay airport atanga hruai chhuak deuh vek an nih thu hriat a ni.

Kalay tualchhung mi pakhat chuan, “Thlawhna a thlawh chhuah hun chiah chu ka hre lo. Dar 11 vel a nih ka ring, thlawhna chu a rawn tum a, a chhuang turte an lawn nghal a, darkar chanve vel chiah a ni ang, a thlawk chhuah leh nghal,” tiin Khit Thit media a hrilh a.

October ni 10 tlai lam dar 6:30 velah pawh Kalay airport-ah thlawhna pakhat a tum a, darkar chanve vel hnua a thlawh chhuah leh thu hriat a ni.

Chu tualchhung mi pakhat tho chuan, “Nimin tlai lam dar 6:24 velah pawh Kalay airport-ah thlawhna pakhat a rawn tum a, hetiang hunah hian thlawhna a rawn tum ngai lo va, a mak khawp mai. Chu mi rualin motor 20 vel chu airport chhungah an lut chhuak reng bawk a. Tlai lam dar 6:58 velah a thlawk chhuak leh a, khua a thim tawh a, a eng chiah hmuh theih a ni a, eng thlawhna chi nge a nih hriat theih a ni lo,” tiin a sawi bawk a ni.

October ni 8 khan Gangaw township lam tangin sipai tank 2 leh motor 40 chuang chu Kalaymyo khaw chhungah an rawn lut a, tank 2 leh sipai motor 15 chuang chu Tedim lamah October ni 9 khan an chho tih hriat a ni a.

October ni 10 tlai lamah Tedim atangin Falam lamah let lehin October ni 11 zing lamah pawh sipai motor 40 chuang chu Kalaymyo atanga Chin state lamah an inzui chhoh thu hriat a ni.

Kalaymyo tualchhung mi pakhat chuan, “Kalaymyo, thlang lam mel 9-ah military council sipaite chu an inkulh a, ralthuam lain takt takte pawh an bun vek tawh a, thenkaht chuan hmar thlang lam tinzawnin an dah thu an sawi a ni,” tiin Khit Thit media a hrilh a.

Tun dinhmunah hian military council sipaite leh CDF, CAN tangrual sipaite inkarah, Chin state hmun hrang hrangah inkahna a chhuak thin a, chutih laiin military council lamin khawpui lamah la inkulhin, khawpui pawn lama Makui-Ein-Nu, Lungler leh Wantu khuaa sipai camp-te erawh chu a chan vek tawh thung a ni.

Share.

Leave A Reply

Exit mobile version