Sagaing reigon, Kalaymyo-a sipaite report pe a, PDF te social media-ah Live-a chotu Investigative reporter hming pu, police te report pe thin Sein Lyin leh a nupui chu July ni 11 chhuna kah hlum an nih thu hriat a ni.
July ni 11, chhun dar 12 velah Kalaymyo, Yananthit thingpuidawra sipai thlawptu ruh tak, report pe thin, Dalan leh Investigative reporter-a inchhal Sein Lyin leh a nupuite chu an thil ei laiin, Kalaymyo Guerilla Force pawlin an kah hlum thu hriat a ni a.
Kalaymyo UGF pawl source chuan, “An pahnihin an lua kah an ni. Vawi 7 kah an ni a. Sein Lyin chuan sipai a thlawp thu leh englai pawhin min rawn that rawh u, ka hlauh loh avangin, sipai thlawpna thu chiah ka ziak ang, PDF pawh, NUG pawh ni se, ka ngaihsak lo, ka hlau lo bawk tiin Live atangin a cho a ni,” tiin a sawi.
Kalaymyo-a sipaite report pe thinte chanchin chu hriattir turin UGF lam chuan mipuite tanpui a lo dil thin a ni.
Chutiang bawkin Mon state, ကျိုက်ထို township-ah pawh military council hnuai thawk police inspector 1 chu July ni 11, chawhma lam dar 10 vela kah hlum a nih thu God of Death pawlin thuchhuah an siam a.
Chu kah hlum tawk police invesgtigation department-a chu ruihtheih thil ti nasa leh, tun hmaa Arakan state lama awm tawh a ni a. God of Death pawl chuan military council dodalnaah nasa zawka hma an lak tur thu an sawi bawk a ni.
