Sagaing region, Kalaymyo-ah Military council sipai ten mipa 2 Bike chuang lai an kap a, mi pakhat a boral nghal a, a thian pakhat a hliam thu tualchhung mi pakhat hnen atanga hriat a ni.
March 2, zing dar 11:00 hnu vel khan Taung Za Lat Ward, Tuikhuah Office kawtah Bike pakhata mi 2 inphur tlan mek Military council sipai ten, an buk khuarna hnung atangin an kap a.
“Bike-a a phurh an kap fuh a, a ril a pawt a. a boral nghal. Bike kalhtu zawk erawh a ke an kap hliam a, a tlanchhe ngal” tiin a hmuna hmutu mi pakhat chuan a sawi.
He boruak avangin Military council sipai ten Kalaymyo-a mipui veivak an check uluk hle thu hriat a ni.
Kalaymyo-ah Bike pakhata mi 2 chuan an phal loh thu official taka puan a awm loh bakah Military council sipai ten thil awmzia zawt hmasa lovin pawi sawi lo, mi pangngai an kap hlum a ni.
