Sagaing region, Kalaymyo township TaSi khuaah Military council sipaiten ralthuam lian an kah chhuah avanga bomb puakah kum 20 mi tleirawl pakhat a boral thu hriat a ni a.
June 20 tuk khan Military council sipaiten ralthuam lian an kah chhuah avanga bomb puakah kum 20 mi tleirawl pakhat a boral a.
“Military council sipaire gate atangin zing dar 10 rik dawn vel khan an kap chhuak a, tleirawl pakhat a hnung lamah a fuh a, a boral nghal a, hmeichhe pakhat pawh a hliam nasa khawp mai” tiin tualchhung mi pakhat chuan a sawi a.
Kalaymyo chhim lam chhuah tirha Military council sipaite gate atanga ralthuam lian an kah chhuah avangin Kalaymyo chhim lam, TaSi khuaa tualchhung mi pakhat a boral a.
Kalaymyo chhim lamah hian Military council sipaiten ralthuam lian an kap nasa thin a, June 18 pawh khan bomb puak avangin ThuMa khuaa pa pakhat a boral a, hmeichhe 2 an hliam tawh bawk a ni.
June thla chhung khan Military council sipaiten ralthuam lian an kah chhuah avanga bomb puakah tualchhung mi 4 an boral tawh a, mi 20 chuang an hliam tawh thu tualchhung mi te hnen atanga hriat a ni.
