Sagaing region, Kalaymyo chhim tlak lamah Military council sipaiten July 13, zan dat 9:30 vel khan ralthuam liana an bomb avangin Chichai khuaa nupa an boral thu hriat a ni a.
Military council sipaite hian July 13, zan atangin laipuiin an bomb nasa hle a, Kalaymyo chhim tlak lam Zo hnahthlakte awmna Chichai khuaa chenna in pakhatah bomb a tlak avangin in neitu nupa an boral thu tualchhung mi pakhat chuan heti hian sawi.
“An mut laiin an In chungah bomb a tla a, an nupain an boral nghal a, an fate an kalsan a ni” tiin a sawi a ni.
Hetia Military council sipaiten bomb an kah chhuah avangin Chichai khaw thenawm Myohla (Miauh Hlah) leh Sekan khuaah pawh bomb a tla a, tualchhung mi 5 vel an hliam thu hriat a ni bawk.
