Sagaing region, Kalaymyo, Taungphila Ward-ah August 10 tuk khan Military council sipaiten kawnga kal mipui te an check-na lamah tualchhung pakhat an kah hlum thu hriat a ni a.
August 10 zing dar 11 vel khan Taungphila Ward-a Military council sipai duty-te chuan kawnga mipui kal reng reng an dap zel a, hetia an check lai hian mi pakhat tlan kir leh chu Military council sipai pakhatin an kap zui nghala a boral thu tualchhung mi te hnen atanga hriat a ni.
An kah hlum tak hi Hmuntha (Yua Tit) khuaa awm, kum 28 mi Salai Cung Lian Bik a ni a, an thian duna cement hnathawk (Pa Yan), an chaw ei haw lam Military council sipaiten an kah avangin a boral a, a thian pakhat erawh a banah a hliam thu hriat a ni bawk.
Tun hnai lawk atang khan Kalaymyo-ah Military council sipaiten kawng kam hmun remchangah an duty thin a, mipui veivak te an check thin thu hriat a ni bawk.
