Sagaing region, Kalaymyo khawchhungah mipui police-ten ruihtheihthil zuar mi pakhat an man thu Sagaing region, NUG sorkar, Ministry of Home Affaira and Immigration-ten an thuchhuahah an tar lang a.
July 12 khan Kalaymyo, Tahan leh Taungphila khaw inkarah kawng sira Bike nena ding reng, rinhlelh avanga an check-naah polithin dum chhunga, MAMEE funna chhunga ruihtheihthil nia rin, sahbawn No 21-a gram 210 rit, tun rate-a Kyats Nuai 84 man hu leh Redmi phone pakhat bakah Bike pakhat an man thu hriat a ni a.
He ruihtheihthil zuartu mantu te hi NUG, Immigration leh PDF Battation 5 leh mipui tangrual pawlten an man a, a thurualpui a thian te an chhui mek thu hriat a ni bawk.
Ruihtheihthil zuartu, mantu tangrual pawl te hi mipui police-ten Kyats nuai 6 lawmman an pe a, ruihtheihthil titu te leh zuartu te hriat a nih chuan tangrual pawl te hnenah report theuh turin mipui te an ngen thu hriat a ni bawk.
