Sagaing region, Kalaymyo khawpui, Tahan khuaah April 18, zan dar 8:30-10:00 thleng khan ralthuam lian a tlak chu hriat a ni a.
Tahan khawchhunga bomb tlak ri avangin ChaungTaih khuaa kum 37 mi nu pakhat Tahan Wesley Hospital-a inenkawl mek a boral thu hriat a ni a, mi pakhat a hliam, chenna in thenkhat a fuh thu hriat a ni bawk.
Tahan, PanTiTaih kawngpeng tlak lamah In 4 bomb-in a per chhiat bawk thu hriat a ni bawk.
Tualchhung mi pakhat chuan “In chungah bomb a rawn tla a, in chungah riak te hliam an awm lo. A thenawm in 3,4 vel tukverk leh rangva a chhe nual” tiin a sawi a ni.
Tahan ‘B’ Group-ah pawh chenna in pakhatah bomb a tlak avangin hliam pakhat leh chenna in a per fuh thu hriat a ni bawk.
