Sagaing region, Kalaymyo khawpui, NgyangPinTa (Ngiaun Pin Ta) Ward Bazarpuiah pangpar tawn nutling 20 te chu Military council sipaiten an man ringawt thu a bul hnaia hmututen an sawi a.
June 19 hi State counsellor Daw Aung San Suu Kyi, kum 78-na piancham a nih angin Myanmar ram pumah pangpar tawn theuh turin mipuite an inhriattir hlawm a. Hetia an tih avang hian pangpar tawn hrim hrim hmeichhia te chu Military council sipaiten an man ringawt tiin tualchhung mi pakhat chuan a sawi a ni.
June 19, zing dar 8 vel khan Military council sipaiten Bazar-puia Bazar pangpar tawn hmeichhia an hmuh reng reng chu an man nghal ringawt tiin tualchhung miten an sawi a ni.
