Sagaing region, Kalaymyo township, TaungPhiLa Venga Military council sipaiten June 8 zan dar 7 vel khan Kalaymyo chhim lamah ralthuam lian 20 chuang an kap chhuak a, ThuMa khuaa kum 40 mi Pu Ba Oo a boral a, kum 23 mi hmeichhe pakhat na vak lo, a hliam thu hriat a ni a.
Boral ta mipa hi a pum, a awm, a ban leh a hmaiah a hliam thu hriat a ni a.
Hetiang vek hian Tayakone khuaah bomb pakhat a tlak avangin kum 50 upa nu pakhat a hliam thu tualchhung mi pakhat chuan a sawi a.
“Zan dar 7 vel khan ThuMa khuaah bomb 4 a puak a, Pu Ba Oo chu a awm hmunah a boral nghal a, hmeichhe naupang 1 a hliam bawk a. Tayakone khuaah bomb 1 a puah avangin vawk chaw pe lai nu pakhat a hliam” tiin tualchhung mi pakhat chuan a sawi a.
Military council sipaiten hian ThuMa khuaah 80MM vawi 4 a puak a, Tayakone khuaah 120MM bomb pakhat a puah thu hriat a ni.
Military council sipaiten June 6 atang khan Kalaymyo township, chhim lamah ralthuam lian an kah nasat avangin tualchhung mi an hliam nual a, chenna in a hliam nual thu hriat a ni bawk.
