Sagaing region, Kalaymyo khawpui hmar lam Zo hnahthlakte awmna khua Tuingo (Pyin Taw Oo= Pin Taw U) khuaah Military council sipaite leh PDF te an inkah leh hnu, chawhnu dar 4:00 vel atang khan Military council sipai ten chung lam Thlawhna Mi35 hmangin ralthuam lianin an bomb chiam thu hriat a ni.
Military council sipai ten PDF te awmna nia an rinna hmunah Mi35 Helicopter-in an bomb nasa hle a. Heng bakah Kalaymyo atangin 120 MM Laipui hmangin an kah chhuah reng thu hriat a ni bawk.
Military council sipai ten ralthuam liana an bomb nasat avangin Tuingo khawchhunga chenna in thenkhat a kan nual thu hriat a ni a. Chanchin hriat dan hnuhnung berah chuan Military council sipai ten Tuingo khawchhungah buk an khuar tawh nia hriat a ni bawk.
March 31 khan Tuingo khuaah Military council sipaite leh PDF te an inbeih avangin tualchhung mipui a sang tel, a khawpumin an tlanchhiat vek thu hriat a ni.
