Chin State-ah Kalaymyo khawpui atangin Military council ten Motor 30 chuang ration phurin an chhoh thu tualchhung mipui ten Yangon Khit Media an hrilh a ni.
March 9, zing dar 6:30 atang khan Kalaymyo khawpui atangin Military council sipai 70 rual ten Motor 30 chuangin Chin State, Tedim khawpuiah an chhoh thu tualchhung mi te hnen atanga hriat a ni.
“Truck ke 12 nei Motor lian, mimal ta anga cheibawlin Chin State-ah an chho a. Military council Motor a ni lova, Military council sipai 70-100 vel ten ei in tur leh chakkhai an phur chhova, Chin State Tedim khawpui lam an tinzawn a ni” tiin tualchhung mi pakhat chuan a sawi a ni.
Kalaymyo news rinawm pakhat hnen atangin Military council Armour motor 2 leh private motor Truck ke 12 nei 28 hnenchhuhin Chin State lamah an chhoh thu an sawi bawk a ni.
