Sagaing region, Kalaymyo biala Letpanchuang khuaah Military council sipaiten ralthuam liana an bomb avangin tualchhung mi 5 an hliam thu tualchhung miten Yangon Khit Thit Media an hrilh a.
July 26, zan dar 10 vel khan Kalaymyo-a innghat Military council sipai northen-ten Letpanchaung khuaah ralthuam lianin vawi 2 an bomb avangin tualchhunga mi 5 an hliam thu hriat a ni a.
“Zanah Letpanchuang khawchhung chenna in palah bomb a tla a, Ina naupang pakhat a hliam a; pakhat dang zawk chu khaw pawnah a tla thung a, kum 20 mi vel a hliam thung” tiin tualchhung mi pakhat chuan a sawi a ni.
Military council sipaite hian Kalaymyo chhim leh hmarah inkah buaina awm lovin ralthuam liana bomb an thlak thin thu tualchhung mi te hnen atanga hriat a ni bawk.
