Kalaymyo Municipal bawlhhlawh paih Motor 3 chu Kalay Civil Armed Force ten, mipuiin thuneihna an lak hunah chauh pek kir leh a nih dawn thu March ni 31 khan thuchhuah an siam.
Municipal bawlhhlawh paih Motor hi March ni 29 khan Segyi (Tahan atanga hmar lam Vaphai khua) Leidawh bulah tualchhung veng himtu pawl ten an chhuhsak a.
Kalay Civil Armed Force te thuchhuahah chuan mipui sorkarna beih mek turah mamawhna a san avang leh dan lo taka sorkarna an pawng lak avangin mipui veng him pswl ten rei lo te kawl rih a nih dawn thu an tar lang a. Dan ang thlapa mipui sorkarna a nih hunah pek kir leh a ni ang tiin an tar lang.
Municipal Motor man a nih avang hian Kalaymyo Military Council hotu lu ber chuan Tahan Bazar leh a khawpum kan hal kang dawn a nia tiin a hmelhriat mi pakhat hnenah a vau thu an sawi.
Non-CDM te Motor hman mek kan chhuhsak avang hian mipui ten bawlhhlawh paih chungchangah harsatna a awm chuan ngaihdam kan dil mawlh mawlh a ni.
Vawiin thlenga Revolution kan beihnaah hian mipuite harsatna hmuh tur a la awm rih lova, kan beih bera zawk chu Military Council te leh a thlawptute an ni tiin an thuchhuahah an tar lang.
