Sagaing region, Kalaymyo chhim lam ThuMa khuaah June 12 zan atang khan Military council sipaiten ralthuam lian an kah nasat avangin chenna in an chhiat nual thu tualchhung mipuiten Yangon Khit Thit Media an hrilh a.
“Military council sipai 228-ten zanah vawi 3 an kap a, Military commander hmupui atangin pawhin an kap bawk a, khaw pawn chhim lam Ar vulhna hmunah bomb a tla nual a” tiin tualchhung mi pakhat chuan a sawi a.
Hetia Military council sipaiten ralthuam lianin, a khaw kil tinah an kah chiam avangin khawchhung mipuite sa himna zawngin an tlan chhuak vek thu tualchhung mipuiten an sawi a ni.
Military council sipaite buk khuarna ZinKaLin khua chu June 12 zan khan Revolution pawlten an kah rawn thu hriat a ni bawk.
