Sagaing region, Kalaymyo khawpui chhungah phalna nei lova hnathawk te chu, dan anga hrem an nih dawn thu Kalaymyo public administration-ten an thuchhuahah an tar lang a.
Kalaymyo public administration pawl te chuan mipui rualkhai taka hna an thawh theih nan tiin NUG sorkar chuan an hnathawhna atanga chhiah (Tax) hmangin hmalak an tum a.
Hemi chungchangah hian May 26 atangin ni 10 thleng thil kalhmang inkawhhmuhna hun ruat a ni a, June 5 atangin hmalak tan a nih thu Kalaymyo public administration pawl zinga thuneitu pakhat chuan a sawi a.
Kalaymyo public administration leh chhiah khawn thin zinga phusa tak mi pakhat chuan “Chhiah hi chu kan pek ngei ngei tur a ni, Democracy ramah chuan chhiah khawn lovin ramin hma a sawn thei lo. Ram buai lai a nih avangin mipuiten harsatna kan hmachhawn mek si a. NUG PDF leh PDF-ten chhiah khawn dawn ta se; a hnu leh a awm thei a, Military council sipaiten an enthla leh reng thei a. Chuvangtin fimkhur taka kan inven thiam a pawimawh hle dawn a ni” tiin a sawi a.
Chhiah khawnna turah hian khawnvartui, lung her khawl leh a kaihhnawih, leirawhchan rawhna leh a kaihhnawih, meihawl ip, thing, mau, petrol, diesel zuar te leh municipal lam atangin eichawp dawr, motor gate leh motor service, thlai zuar, thing zai khawl leh zu zuar te hnenah chhiah an khawn dawn thu hriat a ni bawk.
