Sagaing region, Kalaymyo township hmar lam zar, ShuKhinTa (Phulmawi khua) khuaa zirna school chu Military council sipaiten June 5, zing dar 10:30 vel khan Jet Fighter pakhatin an bomb a, tualchhung mi pakhat a boral a, mi 4 an hliam thu hriat a ni a.
ShuKhinTa khuaa zirna school-ah hian thuneitute an meeting laiin Military council sipaiten Jet Fighter-in an bomb thu CNO Upper Chindwin Region-ten an thuchhuahah an tar lang a.
Hetiang bawk hian June 5, zing dar 11 vel khan Kalaymyo hmar lam Letpanchaung khuaah Military council sipaiten ralthuam lian vawi khat an bomb avangin tualchhung mi te an hliam nual thu CNO-UCR-ten an sawi a.
ShuKhinTa khua hi Kalaymyo atangin mel 18 vela hla YaRaGyo (Ya Ra Chu) Dam tuikhuah kianga awm a ni a, Zo hnahthlakte awmna khuate a nih thu hriat a ni bawk.
