Sagaing region, Kanbalu district May Mon khua leh Chaung Kya (Chhawng Chia) khuaah Military council sipai ten ni 3 chhung tualchhung in 248 an hal chhia a, tualchhung mi sang chuang an tlanchhiat thu tualchhung mi ten Mizzima Media an hrilh.
February 19 khan Kanbalu district Ma Le khaw huam chhung Mat Mon khuaah Military council sipai 80 rual Khah Mah Yah 369 ten In 218 an hal chhiat thu tualchhung mi pakhat chuan a sawi.
Military council sipai ten February 20 khan Tayawkaing (Ta Yaw Kaing) khua an luhchilh a, rualthuam lianin In pakhat an bomb chhia a, in pakhat an hal chhe bawk.
February 20 khan Kanbalu township, South Pyikone(Pi Kong) khuaah Military council sipai te leh a thlawptu Phyusawhti pawl ten a vawi 3-na an luhchilh leh a, in 28 an hal ral thu PDFR ten an sawi a ni.
February 19-21, ni 3 chhung hian Military council sipaite leh a thlawptu Phyusawhti pawl ten Kanbalu district chhungah mipui chenna in 248 an hal chhe tawh a, tualchhung mipui a sang tel an tlanchhiat thu Kyuhla (Chun Hlah) Kanbalu khawpuia news chuan a tarlang a ni.
