Sagaing region-a Kanbalu, Kyunhla leh KawLin township-a khaw 25-ah Military council sipai-ten electric current an tihchhiatna hi thla 4, a chuan tawh thu tualchhung miten an sawi a.
Electric power an tihchhiatna hmun te chu Kanbalu township-ah khaw 4, Kyunhla township-ah khaw 12, Kawlin township-ah khaw 9-ah te a ni a.
Heng, power supply an tihchhiatna khaw 25 zingah Aung Chan Thar leh Pyi Tha Pin khua hi kum 2022 August, Aung Chan Thar khuaa inbeihna atang khan tihchhiat an nih tawh thu an sawi a.
“Aung Chan Thar khawpum an hal a, Jet Fighter-in an bomb nasat avangin current hrui zam a chhe vek a. Pyi Tha Pin khua pawh Jet Fighter-in an beih avangin Transfomer leh current hrui a chhe vek bawk, vawiin thlengin electric power hman theih a la ni lo” tiin tualchhung mi pakhat chuan a sawi a.
Current pek chhuahna Transfomer hmunpui KaPauh leh LeHla khua, current chhiatna hmunah hian Phusawhti pawlten tualchhung mipui an sawisak thin bakah mipuite an Training luihtir thin thu a sawi zui bawk a ni.
Training duh lo tualchhung mi te chu pawisa an chawitir thin a, mipui te an dim lo hle tiin KyunHla-Kanbalu khuaa active pawlten an thuchhuahah an tar lang a ni.
